Fotografio | Komputiloj | Programaro | Sangdonado | Tekstoj
SdiQt - portebla komputila vortaro
SdiQt estas portebla legilo por vortaroj en SDictionary formato. Ĝi estas libera programaro.
Celo
La ĉefa celo de la projekto estis krei liberan platform-sendependan legilon por vortaroj en SDictionary formato (vd. http://sdict.com/en/). Mi elektis programlingvon Pitonon pro ĝia altega portableco.
La programo devas funkcii ankaŭ en Qtopia-bazitaj maŝinoj (kiel ekzemple Sharp Zaurus). Tio estis la ĉefa kaŭzo, kial mi elektis bibliotekon Qt por grafika interfaco. Sed ne ĉie ĝi estas instalebla. Do, por atingi la ĉefan celon mi decidis krei duoblan interfacon: uzi Qt kiam eblas, kaj uzi Tk, se Qt ne estis trovita. Preskaŭ ĉiu Pitono havas bibliotekon Tk kiel defaŭlta grafika uzulinterfaco.
Ĉefe, la programo provas uzi Qt'on. Se ĝi (kune kun PyQt “envolvaĵo”) troviĝis, ĝi provas Qtopia'n kaj lanĉas Qt-interfacon. Alie, la programo provas uzi Tk-interfacon.
Postuloj
- La programo mem postulas Python >= 2.4. En surtablaj komputiloj ĝi ankaŭ postulas Pitonan modulon zlib (kaj probable bz).
- Python Zaurus Image ne havas bibliotekojn zlib kaj bz2. Sed distribua garnituro por Zaurus havas sian propran
libsdictbibliotekon, kiu jam havas zlib-funkciojn en si. - Qt-interfaco postulas Qt 2.3 aŭ 3.* kaj respektivan bibliotekon PyQt.
- La programo ne estas kongrua kun Qt/PyQt >= 4!
- Tk-interfaco postulas Tk bibliotekon kaj Pitonan pakaĵon Tkinter (preskaŭ ĉiuj Pitonaj diatribuaj garnituroj jam havas ĝin).
Elŝuto
La plej freŝan version de SdiQt vi povas elŝuti el SourceForge: https://sourceforge.net/projects/sdiqt/
Instalo
Por Sharp Zaurus Mobile Tool
- Instalu Python Zaurus Image en via maŝino.
- Elŝutu la plej freŝan ipk-pakaĵon de la programo kaj instalu ĝin laŭ kutima proceduro.
- Vi devas trovi novan piktogramon en langeto Applications sur la labortablo de via Zaurus.
Por surtablaj komputiloj
Vi devas havi Pitonon (kaj eble Qt/PyQt) instalitajn en via maŝino. Plejparto de Linuksoj jam havas Pitonon kaj Qt, kaj eblas trovi PyQt sufiĉe facile.
Elŝutu la plej freŝan arkivon de la programo kaj malpaku ĝin iu ajn. Simple lanĉu sdiqt.py dosieron.
Ankaŭ vi povas uzi opcion -tk por uzi ĝuste Tk-interfacon.
Linukso
- Linukso plej verŝajne jam havas Pitonon. Vi kontrolu tion jene:
- Lanĉu konzolon
- Tajpu:
which python— la plena nomo de konvena dosiero devas aperi - Se la sistemo raportas “python: Command not found.” vi devas instali ĝin mem. Iru ĉi-tien legu kaj instalu kiel estas priskribita
- Instalu PyQt:
- Elŝutu PyQt (PyQt-x11-gpl-3.17.3.tar.gz
- Malpaku la dosieron:
tar -xzf PyQt-x11-gpl-3.17.3.tar.gz - Instalu kiel estas priskribite en
READMEdosiero en aperinta dosierumo
- Elŝutu kaj maldensigu la arkivdosieron kun la programo:
tar -xzf sdiqt-1.0.tar.gz - Iru en novaperintan dosierumon kaj lanĉu
./sdiqt.py. La ĉefa fenestro aperos. Se ne, provu komandonpython ./sdiqt.py.
Vindozo
- Instalu Pitonon de tie: http://www.python.org/ (Serĉu maldekstre ligilon “Windows installer”)
- Elŝutu kaj instalu PyQt: PyQtGPL10.exe
- Malfermu la novaperintan dosierujon kaj duoble klaku sur dosiero
sdiqt.py(se al vi ne plaĉas nigra konzola fenestro, faru kopion desdiqt.pysub la nomosdiqt.pywkaj lanĉu ĝin).
Vortaroj
Jen estas vortaroj elŝuteblaj ĉe SourceForge:
- Komputada Leksikono de Sergio Pokrovskij, redakcio 25, kun angla indekso! (tajpu
~ Anglapor atingi la indekson) - Esperanta-Rusa vortaro de E.Bokarev
- Rusa-Esperanta vortaro de E.Bokarev (plena versio, fonto: http://cybercom.net/~dcoffin/bokarev/)
- Revo: Esperata Vortaro
- Revo: Esperanta-Rusa Vortaro
- Revo: Rusa-Esperanta Vortaro
Ĉiuj ili elŝuteblas tie:
https://sourceforge.net/project/showfiles.php?group_id=180681&package_id=249204
Multe da vortaroj ankaŭ akireblas ĉe la retejo de SDictionary mem. Esperantlingvaj vortaroj troviĝas ĉi-tie.
© Dmitri Breĉalov, 2006
Jen estas piskribo de smartfona legilo por Symbian S60: Vortaroj enpoŝe.